شموخ محمد العنزي/بوح عذري
#مساجله لي مع الشاعره الہشہوق طہيہر
والشاعره رغد محمد الماربي
،،،،،
سكبت في كاس الوله بوح عذري
وارخى سدوله فوق همس العذارى
وامليت فنجال المشاعر بسكري
حتى حروف البوح باتت سكارى
وقلدتها عقدن من الماس يغري
وغيمةٍ تروي صدور الحيارى
وقاموسها كاسن محلى وسحري
منه المعاني بايتاتن سهارى
اروي ظما بوحي من انغام فكري
نهرن تفجر في جفاف الصحارى
والبس حلاياها درر فوق صدري
واخيل واتفرد بذوق القمارى
وان ضاق صدري اونفذ بعد صبري
تسهر احاسيسي ثكالى حسارى
ويلين همسي مثل ما لان حبري
واسقي رياض الشوق ليل ونهارى
وتطل اغصان الوله فوق وكري
واعيان وكري في عيوني تبارى
ابادل الاشواق همسي وشعري
كالمعصم الي يحتويه السوارى
✍🏻الشاعرة الشوق طير
،،،،،،
تقول شموخ الغيد👇👇👇
كم جم ريق البوح من كاس شعري
وأرسلت لخيول المعـــاني تجارى
معنى صريح ونبض شلال يجـــري
يرسل نسايـــم بالمشاعر تبـــارى
ورقص خيوط الصبح بعيون فجري
ويرسم من خيوط القصيد النهارى
ياسيدي دام السهر فيـــك جبـري
عيني تراعي جــاريات الســـهارى
انسج بقايا امال من بــــوح صدري
وارسم بها حلم بخيالي اسـتجارى
ويرفرف جناحه من رياح صبـــري
والوقت حـــرن والأماني حٌـــبارى
كود الغصون اللي نمت فيّ بـدري
ينبت زهرها بالضـلوع الفقــــارى
واشم ريح الحلم من فـوح زهري
اللي غفا بين الضـلوع الحيــــارى
يا ليت حــرف القاف بالحال يدري
ويرسم معي سر المشـاعر جهارى
وازفها بالطرس من جــــوِّ خـدري
لعيون من وده بالخفوق اختيارى
✍🏻شہمہؤخہ آلغہيہدM
وتقول الاميرة رغدالماربيه
👇👇👇
من دلة الأشواق ياوزن شعري
على بساط الود أمست حياري
ياهاجسي وين انت لبنات فكري
الشوق والاحساس لطف العذارى
روح الوفاء بشعور في قلب يسري
لوعة بها المشتاق في ليل ساري
التيه والوجدان للوصل يطرى
حدالثمالة هب في القلب طاااري
رفقا على المشتاق يا بنت فكري
ترسل جمل بااحساس عين السهارى
ان هب نسناس على طيف ذكري
تاهت عيونه عقب طيفا توارى
يشعل بصدره شوق يشتم عطري
يحياء معي بااحساس تيهه تمارى
عن واقعه مشغول في طيف يسري
بشعوريجمعنا جعلهم حياااارى
✍🏻@رغد محمد الماربي
تعليقات
إرسال تعليق