شموخ محمد العنزي/بدع ورد مع الهلالي
💢👈بدع،لي ،،،،، و،،،،، رد👉💢
الشاعر المخضرم الاخ عبدالله الهلالي
اقول👇
الشوق طاغـي ماهو اليوم مسكيٌـــن
يامـا كسـر قلبـ ـــي ولوى ذراعي
حنا على جرح الـمحبين ضاريٰـــن
ماعاد عندي للعتـــب اي داعــي
دوك الجروح اللي بقلبى من سنين
والا عليك الله بـصمت انقطاعـي
الصمت ترجم حكينا ياعارفيـٰـــن
خير من الكلمه على غيــــر واعي
دام الغلا تاليه طعنات سكيـــــــن
لابوه لابو مـــن نوابه خداعــــي
ما عاد ودي انثر الدمع بـــالعيــن
والخد ما عاد ايـ توسد ذراعـي
شہمہؤخہ آلغہيہدM
ـــــــــــــــــــ،،،،،،،،،،،،،،،، ـــــــــــــــــــ
الرد/ عبدالله الهلالي ✍️
حياك يابنت الرجّـال المسـمين
اللي لهم في قمة المجـد باعي
من بعدها درب الهوا تاليه شين
يضّيّع اهـله بالدروب الوسـاعي
يقـوله اللي خابره ياعـرب زين
اللي شـبع بأوله رجعوا جياعي
يالغيـد لو كل المحبين سـالين
ماشِفت من يِبكيه جور القطاعي
شتت ذهن منهو بصف المصلين
ويبطل صيام الصايم ولا يراعي
هذا الهـوا يالغيد اول وهالحين
طبع الهـوا يشبه لطبع الافاعي
مهما بعهد الحب يالغيـد توفين
غـدره وناره تشــتوي كل واعي
اليا غــدر ماتنفعك قول تكفين
تكفين ماتنفعك بعد الضياعي
حبيت ابين لك دروب المحبين
من بعد شـفت القاف مديت باعي
وصلو على خير الرسُل والنبيين
شفيعنا بيوم الحساب الجماعي
وسلامتكم عبد الله الهلالي
تعليقات
إرسال تعليق