شموخ محمد العنزي/مساجلة القوافي
#مساجله_القـــــوافي
وش خوّفك ياالصـوت يوم انت وافي
حقّ القوافي في محانيك تسري
تدري اشتهيت اسمع معاويــد قافي
منك على ما يسر العمرتدري؟
يهب لك بيـــن المعاليـــــق صافي
حنا قرابة قاف والقــاف يطري
شہمہؤخہ
بعض القصيد يثيـــر جزل القــوافي
لاجيت ببعد قال ياهيه بدري
يازيــن لوهبت ريــــــاح الســوافي
يبقى الغلا بالقلب ثابت وحصري
عن الشـــعر لــوقالت النفـس كافي
يردني له طيبكم وانت تدري
الشاعر سعيد المقبولي
والــود باقــي والشـعور احتــــرافي
وبدري على إصدار القوانين بدري
مابيــن توضيحي وســـر اختــــلافي
تطغى على حظي متاهات عذري
ولا انت تـــدري انك لك عــش صافي
مابين نبضاتي وهمسي وصدري
علي صالح ابونصور
اسمع صدا صوت الجروح الخـــوافي
في ليلةً تخفي عن النـاس بــدري
عطني جـــزيل القاف رغم انعطــافي
عن دربه اللي فيه ضيعت عمـري
هذا أنا يـــــا بنت مابي خـــــلافـــي
تستوطن احروف الشعر فوق سطري
الشاعر ماجد عايد العنزي
يا صدر إذا ماجـاء الشـتاء صـار دافي
والطيب خلف اظلاع الاحساس حصري
هجسِـك اوقــع له بفحـوى.إعـترافي
ذي في حشاه اخـفيت مكنون سري
يوم نبض هــوجاسي بدئ. بالتعــافي
اسرعت اجاري قافــية بعـد عمري
شايف الحراره
بين الظلوع الصمت هـــز الخــوافي
ااكنها خوف العـواذيل تــــدري
وفي داخلي برق ورعـــود وســـوافي
تمطر على صدر الورق بوح وصدري
ما كني الا بيـــن ســـعي وطــــوافي
ادور الما وأثـــره العد حـدري
ابراهيم أبورويس
قالو عوافي وقلت مامــن عــــوافي
واخر جوابي قلت معلم ولدري
لو الذي بالقلب ممكــن يشــــافي
مصيبتن من زود همي بصدري
عليك ياراعي . الثــمان الرهـــــافي
انوح نوح الورق في وسط سدري
الشاعر كردي الزيادي
تعليقات
إرسال تعليق