شموخ محمد العنزي /اطباع
#اطبــــاع
لا تستمــــد الشـور من راس تبـاع
مااردى مــــن التباع ياگــود تبعـه
خذ من فهيمٍ قادح الفگـــر بتـــاع
مــن يعــز النفس ماعــــز ربـــعه
بنت الردي لو خدهـا يلمع لمـٌــاع
ماهيب في شفوف المناعير طمعه
يجي خلفها للسلف ناع واطبــــاع
لا شاعمٍ نــــاره ..ولا ضي شمعـــه
قبل بذور الزرع ينشد عــــن القاع
ويختبره الزراع مـن قبل درعــــــه
مـٌا يزرع الصبــــخاء محنگ وزراع
لو هي على نهـٰـرٍ تساقيــــه ترعــه
هذال العتيبي
شفت البيوت الوافيـه توفي الصـاع
فيها نصايح تجذب العود سمعه
جزله بها من بدع الاشعار مــــرباع
مرباع فكرن ناضج النصح طلعـه
يالشاعر اللي تنظم البــدع وتــــراع
مبناه ياللي عجّـــز الغير بــدعه
عذب المعاني حرفهـا جاك منصـاع
مثل الذهب ما يتقن الكلّ رصـعه
والهاجس اللي هيض الفكر لك طاع
حلّق بك ابـ جو(ن) به افكار سنعه
امجمــل ولا هنت اطربت الاسمـاع
يالشاعر اللي في قوافيك طمعــه
شہمہؤخہ آلغہيہدM
تعليقات
إرسال تعليق