شموخ محمد العنزي/ندر العيس
(#نــــدّر #العيس)
ياهلــــــول برّه لاتخش المــــغاليس
ابغيك تسري طرف ليلي مـــــواسي
من اليمــــن لا المملكه روح تطعيس
زتت فريج اللي يشدون باســـــــــي
هب لي سواليف الشعر والهواجيـس
ليا زهمت ازهـــــــم يلبيك راســــي
فديت خشمك جيب زين الاحاسيس
ترى بغيت افخر بربعي وناســـــــــي
وامدح بها هيله كمـــــــا روز باريس
اللي مخوتها بكــــــــــل الحــــواسي
اهرج بطيبه اصــــــلها دوم واقيس
واشبر معزتها بهطف المقــــــــــاسي
✍🏻ابو عمير العكيمي
~~~~~~~~~~~~~~~~
حي القصـــيد الي مثــل نــدّر العيس
او ندّرً من مــن طــيب لولو وماسي
يا مـــرحبا مــن دون عــدً ولا قيـــس
تـــرحيبةً ماله حـــدود وقيـــاسي
فــي شاعــرً نَظــم جــزيل الاحاسيس
با القــول والابداع والفعـــل راسي
مـــن ديـــرةً كله حـــرار وقـــرانيــس
ارض العــــروبة ما لحقــها دناسي
اهــل اليمن والبـن فـوق المحاميـــس
شــاهد كرمهــم زود عز وحماسي
تاريخ مـــا يقبـــل حمـــاقة وتدليــس
في صفحة الامجــاد شيً اســاسي
قلتـــه وانا طيــري بعيـــد المــراميس
اليــــا كفخ برقً يشـــق الدمـــاسي
لي عـــزوةً عند الكـــرم تفتـــح الكيس
ولي ارض مــا عاشت خنا وانتكاسي
ديـــرة هــل (العوجا) ملوكً وفـــريس
دايم قـدم ماقد رضــوا با التــواسي
وســلام ماخط القلــم فا القــــراطيس
وعداد ما يطــرب إبداعك حــواسي
شموخ الغيد M. ٥٤،،كتابي
تعليقات
إرسال تعليق