ديوان / شموخ محمد العنزي سلطانة نجد

 #ســـواليف ((عطر وغلا وشموع واحساس مجنون)) ((وجو لطيف وليل بالحيل ساحر)) وعينـن تسلهم فيّ ما تشبه عيـــون  تحكي سوالف دون صوت وحناجر  في جفنها سحــر وسواليف وفتــون  ورمش ليا هزته ضـرب الخنـــاجر  وشعر وقصيد وجـرة انغام ولحــون  وانفاس خالطها دخان المباخــر  ويا سرعها اللحظات لو مشيها هون  والوقت في ميعاد  الاحباب فاجر شہمہؤخہ آلغہيہدM

 #أواه_ياعينن . اواه يا عينــن بكــــت عينــها عين  غابت ولا جاني رســـول بخبرها واواه يا جفنن غــــزا مــوقها البين تراعي نجــوم السما مــن قهرها راحت بلا عــوده مســافات وسنين  وتلى العهد نظره وهلت عبــرها تشوف عيـني جــرة الــرمل والطين  وصميل للظامي  طوارح ثمــرها لا شفتها يطــــروا عـــليّ المقفيـن  وأبكي على الجره وعيني باثـــرها   واحس في صدري طعون السكاكين  تلوحني لوح الغصن في شجرها شہمہؤخہ آلغہيہدAM

 صوت وصدى مع الشاعر @انور بن محترك #جروحٍ_خفيــــه  الطب  لجروح  المحبين  ما  فاد  والفحص  ما يكشف جروحٍ  خفيّة  انت  الذي  للجرح  تعقيم وضماد وانت  الدوا   المفقود  فالصيدليّة وانت  الذي  للبال  عارف  ومعتاد ما غيرك اللي  يعرف  الحال  فيّة ان غبت صار  الوقت  همّ  وتنكاد وان  جيت  زانت  كلّ   الايام  ليّة اهواك واحبك على روس الأشهاد  حبٍ   نزيه   مْن   الردا   والخطيّة ياللي  غلاك  بداخل القلب  يزداد وغلاك  لي  يا  شوق   اكبر  هدية  ياجعل عمرك عمر  وايامك  اعياد ما تشوف  في  دنياك  غير  الهنيّة أنــــور بـن محتــرك ~~~~~~~~~~~~~~~~~~~ يا ليت جـــرح الحب نلقى له افواد  والا يجيبـه طب #بالفرمشٰـــيه  انا اشهد انه جـــرح لا طــــول وزاد  ما عالجه مختص بالباطنيــــة  وراعي الهـوى لا شاف من حظه عناد  يسجع مع اللي بال...

 #ماخذَت_شفي  ( والله إني من الايام ماخـــذت شفي) مخلي(ن) في غياهيب السنين وهواها كمّ مديت في جحـر الصـــواديف كفي ونابني منّـها جـــرحن تجاهـــل دواها خايف اقول يا ســـود المقـــادير خفي واصبح ابسودها عايش وارسم خطاها ضـاقت ابجملة اوراقي مســاحات رفّي يطوي اغــباره اوراقي وكـــنّه محـــاها عاقله والعقل مـــن هاجسي مستخفّي تـذهله كلّ فكــــره يستدير ابـــرحاها شايفه هـ الزمان اليوم ماهــوب صفّي والقدر والحظوظ اللي تشـح ابـ عطاها شہمہؤخہ آلغہيہدM

 #حلمٍ_تجـــــــدد ليـــلي بدونك ياغلا الــروح موحش  تعال خل الهجر والبعـــد والصـد وليلي بدونك كنــه بوحشــته وحش ينهش معاليق الحشا مـــــا تردد ضامي وانت العـذب والــري والرش  يا بســمه أيامي وحلمـٍ  تــــجدد ياللي غلاك ابخافقـي ارتهــش رهش ما شفت مثلك بالبشــر زين ينـعد شي(ن)جرالي طشش احلامــنا طش خالف قـــوانين الحسابات والعـد  حلمي بنيته سـاس واثر العظم هش ثقلت عليه امالنا وطــــــاح منهد شہمہؤخہ آلغہيہدM