ديوان / شموخ محمد العنزي سلطانة نجد

 #الدراويــــش  (ياويلكم ياهل القلوب الدراويـــش من شي  مقبل  لايحاتن  بـــروقه) ،،،،،، ارياقكم من حــرّ قيضه معــٰــاطيش وصدوركم من غطرسته امخنوقه مسكانكم بين الحشــــــا والتفاتيش مدهالكم خلف الضلوع امحروقه ليلن يجاذبه العنــــا والمــــداويش وطيوف لاحت بالمسا ما تشوقه وافـكار لاحت بالعقــول المــــرابيش تفهق سحاب البوح تثني فتوقه في معمعاتن وسـط راسي مبـــاليش تقلب موازين الفكر ما تعــــوقه صيحات صدرن في حـروفي مهاويش ترسي على سطر الورق في فلوقه تاقف لها سجات فكـرن مـــــدابيش تطغى على بيت القصيد وتفوقه اعيونكم مــــن عـج وقتي مغابيــش يقصر نظرها قبل تــــوكد فروقه يبغالها من راكــد الفكــــر بشـويش بيتً ترزه بالقصايد طـــــــروقه من واحدن غناله الشـــــعر يا ويـش عقبك مرام الشعر ضاعت حقوقه خطيتها بحروف شعــــرن خـرابيش عسى تبرشم من يلوي شـــدوقه يا عاشقين الشعر لحـــروفكم ريـش لا تنتفش ما دمت منبع عروقه شہمہؤخہ آلغہيہدM