ديوان / شموخ محمد العنزي سلطانة نجد

 (#المهــــتدي) (قربتــني منــك باخلاقك وطيبــة نباك  جده من الطايف ابصرها  بمدة يدي) يا جعلني فــدوتن لك انت محدن سواك فدوة جناب الصخا والراكز المهتــــدي  فيك القصيد ابتــدا وحروفه الغرا هواك باسمك تسطر وقافه من كفوف اجودي طالع مراسيم الغـلا والقاف جعلي فداك شف كل أبوها ترحب بك وبك تقتــدي  لا ما عليك ان جحد طيبك ردي(ن) هناك ما ثقّل اعوذق نخلك طاير المعتـــدي شہمہؤخہ آلغہيہد ،ℳ،،،ﮩ₰ﮩ ͜℘،،✍🏻𝓢𝓗𝓜𝓞𝓐كتابي في مجاراة الاخ  الشاعر دخيل العطيوي

 (‏#شابت #دفاتــــرنا) شفت البيوت اللي تحدن على البـوح ‏كنها طيوف الليل عقــب الحـــنيني ‏ياللي طوا قلبك من الشوق ذابــوح  ‏وحرفك سجع له جرح ابطى سجيني ‏جر الكنين وخافي(ن) فيه مطــروح ‏يدعي لي اللي شافه الله يعيـــــــني ‏ابطت مشاعرنا على جرفة الــــزوح ‏تنعى فقيدين الهوى مدبــــــــريني  ‏شابت دفاترنا بسطـورها اشــــروح  ‏وشروحـها خابت وتاه اليقـــــــيني ‏ما عاد عندي للهوى حرف(ن)ايلوح  ‏ما جاه كفى والعزا بالسنينـــــــــي ‏لا تنعث الخافي ولا تنقذ اجـــــروح  ‏عز الله ان الجرح زاد ابـ أنيــــــــني يا عاذلين القلب من قبله الـــــروح لا تعذلون اللي بكته اليـــــــــديني كل ما مسكت اقلام شعـري بهاروح تبكي يديني قاف شعــرن حــــزيني سميتـها المـيلاد ميــلادها النــــوح واخفيتها وش عــاد باقـــــي يجيني تكفون دم القلب بالسمع مسفــوح من هو يحفظه قبل مــــاهو يهيني  يكفيني امن الحــزن ما بات ملفـوح  خلف الضلوع العوج يصــرخ وتيني شہمہؤخہ آلغہيہد ،ℳ،،،ﮩ₰ﮩ ͜℘،،✍🏻𝓢𝓗𝓜𝓞𝓐

 #المخيــــل انتشت روحــي بعـــد شوف المخيــل  في ليــلةٍ و البــرق مايــفصل سناه ولاح لـي بكـــبد الســما ذاك الدليـــل بيـن الدجا  والعيــن ماتلحـق مــداه  صــوت الرعـــد يفـــزله  قلبي العليـــل  بيـن الحنايا العـوج يبـعدبي،، صــداه ونــساق لي ذكــــراه بالليــل الطويـــل  صاحب قفـى وخـــذ روحـي معــاه العطـٰر فـــاح وخالطه ريـــح الهميـــل تتجــد  الذكــرى  وقلبي  مانـــساه ويهل دمـــع  العين عـ الخد الوجيـــل  امــر القــٰدر مكتوب لابـد نرضــاه شہمہؤخہ آلغہيہدM

 ((#بٌـــــردٍوخوف))  (‏البــرد ماهو بــرد عـرعـر وﻻالجــوف  وﻻ تبوك الثلٌـــج وجبـــــال حايل) الــبرد بــرد قلوب قد صــابها خــوف من عقب ماهي مرعبـــه كلّ عايــل صـرنا ضحايا فكـر والنص محـــذوف الغرب حثـــوا له بـكل الوسايـــــل منه العيـــون تشوف مــاكنها  تـشوف والـوضـع مـألوفِ لشوف الهوايـــل القدس صهيون ادعثت به على الشوف وغــــزه جثث اطفــالها بالشـــوايل  عزاه يا دمعــن على العُـرّب مٰــــذروف ونـار اليمـــن تحطب بكل الـقبايــل وين انت ياصـــدام في عينك تشـــوف  العُرب من عقبك وقود وفتــــااايـل من حــر مابي قمت ألوف الـــرجا لوف والـعذر ياشامي غدينـــا هبـــــايـل العذر ياطفلي غــــدا الوجـــه مكسوف  طفولـتك راحت طعون وظلايــٰــل وجدي علي طفلٍ على شــط محـــذوف ياالله دخيـــلك نـكلو، بــــــه نكايل   مدلوج بالـملح وبه الــوجه مخطــوف مـأجور  يـاموجٍ على المتن شايـــل  فزعات بعض النــاس بـقلام وحـــروف وانـا فـزعت وفـزعتي بـالـهمايـــل شہمہؤخہ آلغہيہد ،ℳ،،،ﮩ₰ﮩ ͜℘،،✍🏻𝓢𝓗𝓜𝓞𝓐