ديوان / شموخ محمد العنزي سلطانة نجد

 (#قلوبناتصيــــح) تقبل هواجيسي معا هبـــة الريح تقلط على طرقن هوته الجزيلات  يهل الهوى ليه الهوى فيه تجريح وطعونه الخضرا على وده اثبات ياما كتبنا والقوافي بها قيــــــــح تصرخ على صدر الدفاتر والابيات وياما بكينا كنه الــــــدمع تسبيح  نمسي ونصبح تنثر العين دمعات ما عاد فينا حيل وقلوبنا تصيــح يكفي نكون احياء والواقع اموات ملّت جوارحنا تعيش التبـــــاريح  وملّت توردنا على الموت بسكات يهل الهوى احلامنا كلها ميــــــح والهجر اصبح للحبايب نهايـــات شہمہؤخہ آلغہيہد ،ℳ،،،ﮩ₰ﮩ ͜℘،،✍🏻𝓢𝓗𝓜𝓞𝓐كتابي

 (#راكدالمي) (ما حاز ثوب العـــز من يعشق الفي  ولا ذاق طعم الذل سيف المهمات الكاشفه مـن مات في  نارهــــا حي واحياءها في جنـــة الذل أمــــوات ) اقول 👇🏻 المسألــــه تكشف تفـــــــاصيلها لي  بين اضطراب اعقول ومزاحم اصوات ما صح الا الصح وان كـــــــان يفري كبد(ن) عليها تنثر الســـم طعنــات ياللي جذبك القاف ايه انت يـــــاللي  هيضك قاف(ن) له بالابداع جـــولات عطني قراح(ن) يلبس النــــــادره زي وتاج(ن)  جواهره الحروف الجزيلات  خل الهواجس ليلة البوح تســــــري ابـخيل فكر(ن) تسبق الريح لا جــات شفني معاه اسري على راكد المــــي استكشف اعماق البحر والمحيطـات  اما تصيب اضنوننا يـــــــوم نبــــدي واما تخيب وخايب الظن مــــا مــات ذي فرصة(ن) جاتك أبي اتركز اشـوي وابحر بعيد ابعمق بحر الخيــــــالات شموخ M في مجاراة الشاعر الكبير إبراهيم ابو رويس

 بدع ورد !!!!!*#قلبي #الملهـوف* يا شمـوخ  الغيد  هـاتَ الحـرف هات  خلّنـا ننظــم ونـــوزن دون خــــوف بعدهــا نـنـشــر دُرَرنا عــــبـر شـات  توصـل العـالــــــــم وتكثـر باللفـوف صــرت أنا بالشعــر مثــل الناقـشات ذي بتنقــش فــي الأيـادي والكـفوف لا غــرور،بــل هـو دلال الغــانيـــات  والحـلا والـذوق في عقـلـي يـطـوف لو أشــوف الــورد حــــولـي ذابــلات  عهـــد أسقيهــا وأمنعهــا القـطــوف فيـض شعري مثل دجلـة والـــفرات بـــل ومـثـل النـيـل أمواجـه تـهـوف حين أكتب هاجسـي ينسـى السُكات وان نطـق بايسمعــه من في الكهوف وان تحــرك بايصـــــل كــل الجهات سرعتـه قصـوى وما يعــرف وقـوف مــرتقي عنــد الـــــــنجوم العــاليـات بارتفاعـــه لا يــــــــعانقـه الخـسوف هاجـسـي طـــاف الــــدول والقـارات أينمـا حـلَّ الهوى يســـــري يشــوف يمتطـي صــــهــوةَ جــواد الأمنـيـات  يعـزف الألحــان بانــــواع الــدفوف يستقــي من كـل أنهـــــار اللـــغــات ينسج الأبيات من نغـم الــــــحروف إن رأى في الحلـم طيـفَ الأُغنــــيات صار طاير كُلَّمـا هبَّــــــت هــفــوف و...

 #جارع #الكاس لبيه يا قلبن تغطيه الاقــــــــــواس ما كنه الا الهفة الشـــــوق جمه ينبض غلا مدري تراتيل الاحســـاس مدري تراه اشعور لشعور يمــه عليك من جنح الهوى لفظة انفاس وعليك من ليل الهواجيس لمــه تبرا مشاعرنا من اطبـوع الانجــاس  مهما تعاني دايم براس قمــــه والهاجس اللي اعتنق كل قــرطاس سطرن يجي له خال مع سطر عمه لا تفرض الفكره على جـارع الكاس ولا كل كاسن يذبح القلب سمـه شہمہؤخہ آلغہيہدM

 #اجنون #شعري. (أظلم الليــل ياالنجم الرفيع السماوي والكواكب عليها من ضلامك غشــاوه و المجــرات بيـــــن الهم تسرح وتاوي والفلك حول نفسه تاه وابدا شقٰــاوه) انتهض يالهجـوس المستشيط الرهاوي لملم افكـــار راسي لا يجيها فهــــاوه دام لك نجم في كبد الجــزيلات ضاوي انكشف للخلايق لا تــــردك غبــــاوه  عانق احساسي المرهف ولوهو حيــاوي تكسب احروف شعرن تتصف بالصحاوه الفرايد بـ حضرت سموك تغــــــــاوي والشرايد تحت طوعك خذتها جـراوه استعد يا هجوسن دمت جزل العطـاوي حضّر اجنون شعري لا تشــح الرهاوه شہمہؤخہ آلغہيہد ،ℳ،،،ﮩ₰ﮩ ͜℘،،✍🏻𝓢𝓗𝓜𝓞𝓐كتابي