ديوان / شموخ محمد العنزي سلطانة نجد

 #طويق #المجـــــد.🇸🇦🇸🇦🇸🇦 باخالف الشعّــار بافكـــار الابيات واجيب شيّ(ن) ماحدن قبل جابه لن الوطن يستاهل انجدد اصوات بحروفنا في يومه وفي جنابــــه عاش الوطن وآل السعود السراوات  الاّ طويق المجد عز ومهــــــابــه كل عام عقب العام وافعالنا اثبات لـ امجادنا لو الليالي نهـــــابــــــه بآحط باليوم الوطني عـــلامــات بهجوس شعري .. والقلم والكتابه  حنا الوطن بـ اقلوبنا صــار دقات وبـ عروقنا دم(ن)  جرى ما جرابه يالمملكه في يومك اترف رايـــات البيرق الاخضر تعدى السحــــابه  ارضك عليها بصّمن البطــــولاات  وتاريخها نهر(ن) تصفّى شـــرابه المملكه عز العرب دونها مــــــات  امن الرجال ارجال مثل الذيابـــــه عسى سنينك كل ٲبوها مســرات واسمك علم كل الخلايق تهابــــه ‏شہمہؤخہ آلغہيہد ، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐

ضميتك اشواقن تطارد سرااابك وضميتك اوصالن تقطع به اهداب صديت مابغا بيوم اسمع عتااابك كتبتني عنوان في صفحة اكتاب غبت وذبحني منك قاسي غيااابك وذوبت قلبي كنه الشمع لاذاب  صوبتني بزينك ذبحني صوابك وانا جعلتك بين الاهداب تنساب كتبتها قصة غلا في جنابك  واشوفك احلا حلم والحلم كذاب طاح المشيب ولا وصل صوب بابك وغاب السمر،، والليل ياهوه  طلااااب ‏شہمہؤخہ آلغہيہد ، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐 …كتابي96

 .#بصـــــمتي صـــار الصدر لطعـــون الايام مـــرمى وضكن ضلوعه واصبح الجوف مخنوق مــاهي تعابيــــرن على شــــان حكمى ولا هي بدايــــع شاعرن يبــدع اطروق هذا حقيقه حطهـــــا الــوقت وسمى بيـــن الضلوع العوج احكم بها العوق رح انشــد الليـــٰـل وتنــــاهيت عتمى وانشــد طواري ساقها هالمسا ســوق وان كان ودك فـــــوق الاوجـاع بصمى شف بصمتي في عنـــق احلامي الطوق ‏شہمہؤخہ آلغہيہد ، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐..146.كتابي

 #عقيــــٰق #الـــٰـروح من عميــــق الفـكر أفكـاري،، يـحدون ومـن عقيـق الـروح حمر خظابـها من سحاب الحــــرف انـثـرها،، مـزون ومعٰ شـموس الصبح أشد ركابـها ان سألت القــاف عن بعض الركــــون سالت الدمعه مع رِمّيْش اهدابها ارع  الاماني خلـف قضبـــان الســجون ومعٰ،سدول الليل،اداووي، مصابها  وأظهــر البسمه ولو فيــني، طعــــوون  وايبقى شموخي شامخن  بهضابهـا شہمہؤخہ آلغہيہد. ﮩ₰ﮩ ͜℘،،✍🏻 𝓢𝓗𝓜𝓞𝓐 .M

 #البــٰدرلاااااح. الــبدر لاح وعنــدي العيـد عيديـن لواهني من قابل الصبــح خلا واقبَـل الـخديــن،،و اقـول  اهليـن  بين الحجاجين ضي بدر/ن تجلا واضم منهو معادل الروح ضعفين حبك  بنا بالقلب  مكتب وفلا يفوح  عطرك  فوح عطر البساتين  ومن مبسمك عيني عساها تملأ يفداك قلبي و النـظر و الشـراييـن  يـلي بـشوفگ تـنجلي كـل عـلا  قلـبي وعقلي ياالـغلا حالف،يميـن غــلاك  عنــدي  للأبـــد ماتــخلا كل عام وانـت بـخير مقدار الفيـن لاوااهني من قابل الصبح هلا شہمہؤخہ آلغہيہدM،،، 𝓢𝓗𝓜𝓦𝓚𝓗. 74

 #جمـــٰٰرن #وقيـــــٌٰـد. يـــــا عيد راحوا واتركوني وحيده من بعدهم يــــا عيد منتا بـ عيـدي الـــــروح بعد الوالديني فقيــــــده ما للحزن ثوب(ن) بعدهم جديدي ابوي وامي والمشــــــــاعر قصيده وصار الحزن ياعيد قاف القصيدي كل عام والدمعه بـ عيني وليـــــده كل عام واحزاني ب صدري تزيدي لا عدت يا عيدن بعدهم تعيــــــده  جرحن بصدري شبّ جمرن وقيدي وشلون أبفرح والفرح مات سيـــده وجوارحي للحزن صارت عبيــــدي يا عيد راحوا واتركوني وحيـــــده لا عاد عيدك دام منتا بـ عيـــــــدي ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐 77. كتابي

 (………)#خنجــــريمـــــاني. يــــوم اقبلت يا كنـــها نجمة اسهيل من نورها بانت صدوع الفيــــافي تاهت بها حروفي معا ظلمة الليـــل واثر الدليله نور بالعنق ضـــافي يا عينها اللي خاشرت سوهج الميل  ويا رمشها اللي في رماه احترافي وخشمٍ كما خنجر يماني من الويل متساوي(ن) طوله بكل الحوافي اشتاق انا واشتاق وآحط وآشــــيل واحسب لها بالشوق عمر التجافي واللي يقول العمــــر كله تساهــيل ما جرب الفــرقا ولا شـاف وافي مـن عقبها قلبي غـــزته الــــولاويل وعروقه الخضرا بعدها عجافي من عقبها جـــريت حزني مــواويل واللي نشــدني قلت مابي خلافي عزالله ان البعــــد يا غـــــايتي سيل يجـــرف مشـاعرنا ولا قال كافي ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐 70. كتابي

 بدع ورد مع الاخ /الشاعر  فےہلاح جياد الزوبعيے اللِّحّـــيه اللي مـــا تدانيــك يهديب لا تحترم فيها و تجيها و تحبها و البنت اللــي ما خــواله عــــراقيب لا تخطبه لونه عريبه ب نسبها الذيب خَلَّف مــن يرد عـــوية الذيب و الحر حر  و صيرمي في عربها لا تطلب البنت و عـــربها عــــواقيب لو غَرّتك تخلف رماد  ل حطبها الزير فــي سيفه خــذا ضـــربة كليب محفوظ تاريخ و صفا في كتبها فےہلاح جياد الزوبعيے                      ✍️✍️✍️✍️. استاذنك يـٰا مهـــذّب الحـرف تهذيب بمداخله حرف النقد مــا صحبها يا موجزن بالنصح عـذب المكـــاتيب اوحيتها والحبر فــــــاض وكتبها  مـن مطلعــك رتبت الابيــــات ترتيب خصيتها لـٰهديب توهب ذهبهـــا  ترمي بها العـــذروب والرميه اتـصيب طاح الحطب من يوم شبّت حطبها جيتك على متن السحاب المــــرابيب واغطس بحورن والكنوز ابـٰٰغببها جيتك أنا القمرى ونا جوحــــة الذيب اثني على حروف(ن)  جنابك وهبها ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐

 #طش #الاماني، يوم انتصف جرح الهـــوى ما طـــرالي خلف الضلوع العوج يعلن صوابه ما اسعفه مختـص طـــب المــــجالي ولا فاد كـي ولا نفع بــه طبــــابه من واحـــــدن طش الٲمـــاني قبـــالي بعثـــر مواثيـــق الغـــرام وعثابه اقفا مـــع المقفين ضييــــع وصــــالي كل ما نويت اوصاله ايصــك بابه مــــدري عـــلامي اجــٰرع المـــر حالي واقول يمكن يوم ٲحصـل جـــوابه مدري (غبـٰـــــا) والا (وفـــــا )ما ٲبـالي بجروحه الخضرا رجاي اللقـــابه ‏شہمہؤخہ آلغہيہد 86،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐 كتابي

 #لفح #الهبوب ، صلف  كما  حيد من حيود الجنوب   يكشف على حده سنا برق  دنا  تتزاحم  الذكرى  مع لفح الهبوب  كمزاحم  الحجاج  في مشعر منى  اصبح بك الحب اكبر كبار الذنوب  ياويلي قلبي من غيابك  والعنا  استغفر الله  كان عن عشقك اتوب ماظن  ياكود النصايب  تنبنا ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐79 شكرا جزيلا اللاخ الشاعر الملقي واثق اجميلي🌹🌹

 #لاح #الخيــٰال. اســـري مـــع الهاجس ليا لاح الخيال اللي يبل كبد الضما قبـــل انحصدها وآرتب ابيــــاتي وفكــــري عــال عال لين استبيح المفرده وانثــــر شهدها دام القصــــايد مـــن تفاكيري جــزال اقدم على الصعبات ما احسب عددها لي هاجسن في منبعــه عذب(ن) زلال يعنــــاله الملهوف واسمــاعه رصدها  انا (شہمہؤخہ آلغہيہد) يا سمـح القبال تكفي حروف الاسم عن ضجة صددها ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 94 𝓢𝓗𝓜𝓞𝓐 كتابي

 #بيحـــٰــت #ســــــدي . طـــــير الغـــلا جا فوق غصنه مهـــدي يرسل ســـلامي مـــع هبـٌـوبٍ يوديه لـ الصاحب اللي حــــروة شـهور صـــدي هــــو مــن جفا والله :مـدري تغليـه مـــــدري على الفـــرقا ضـــروفه تحـدي  وصـــكات بقعــا زوّدت به بــــٰلاويه متحيـــٰـرن فكــــري يجــيب و يـــــودي ولا مـــرني طيفه مع الليـــل أناجيه ولا،، لاح لي طــــــاريه بيـــحت ســــدي مدري يبيحه الغــلا مع طـــــواريه ليتــــه عــرف في غيبتــــه ويش عنــدي وش صــار وكيف الهم زادت مراميه ملـــيت انا صبـــــري وصبـــري يعـــدي اخر لياليـــــه ويودع عــــروق راعيه قــــــده تــــراني وليتـــه اليـــوم قـــدي وآعاهــــده باسم الغـــلا ما أخليه ‏شہمہؤخہ آلغہيہد ، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐..136.كتابي

 #تناهيـــــــــدجني . جتني هواجيس القصيد الجزيله تنفض غبار الفكر عنه وتجنّـــــي اتهيض افكارن براسي مقيـــــــله ترسم بها لوحة مشاعر بـ فنّــــي تطرب به الطاروق واترد ميــــــله حتى معــــاها مفرداتي تغنّـــــي ابياتها نظم(ن)  سبـــا كلّ ليلــــه وامسى بها بين التنـــــاهيد جنّي ‏شہمہؤخہ آلغہيہد ، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐 كتابي 135

 #الشعر ، يا حضـــرة الشاعر ليا صرت مشهور اضبط موازين الشعر في بحوره لا تكتب الابيات والـوزن مكســــور وانتا ٲديب الشعر ترسم شعوره الشعر قافن تطبخ احكاه محكــــور والوزن كيف(ن) يبدع القاف دوره وانا قصيدي منبع احساس وشعور اطرب على وزنه وحبكة سطوره ما همني من ينسخ الشعر ويــدور بين المواقع ماخذن فيه دوره ما دام لي بصمه ولا تقبل الــــزور محدن يغيير بصمتي لو مشوره ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، .        𝓢𝓗𝓜𝓞𝓐 //٩٥

 (ماهو للبيع)  في وسط قلبي شي ماهوب،،،للبيع مهمـا يـزيد السـوم،،،والله،،، مابـعت مـخافت الـي دون رحمته،، بـاضيع خوفي من الله مهتدي فيه ماضعت خوفي من الله طـبع مافيـه تـطبيع مهمـا يـشور بليـس لـشـور مـاطعت استـغفـر الله عن جميـع المواضيع فـي سـجدة، ن، لله فيـها،، تـمتعت شموخ الغيد 11/اغسطس/2020  موثقه بديوان المضايف الأدبية والثقافية

 #اجــــروثــــٰواب، يا قلب امــن الشوق جــريت العتاب ونزفت لگ حبــر القلم يجبــٰر وتينك ما للهـوى عقب الغياب اجـــر وثواب دامه يبيح النفس ويسرف في ضغينك قل للغياب اللي جرح صــــدر الكتاب مــا عاد باقي بالسطــور اللــي يعينك قله عســاگ ابحالتي صغت الجـواب دام  السوال اليــوم بالله انت وينــك ‏شہمہؤخہ آلغہيہد 86،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐 ﮩ كتابي

 #ســــمٍ #ونــــاب، لاح (الصباح) وأذن الفجر يـ شــروق  والنوم روّح من عيوني  نــــهابـه قلبي غدا من جوف الاعماق مبيــوق من ونتن بتريد جرحي صـــوابـه يـ شروق جار الوقت والهـم والـعوق طـال الشـقى في حالنا والـتوابٓـه الحظ عاثر ما وجد بيــــع  بـالسوق الجـسم ناحل ولالقا له طبـابـه الخلق صارت ترغب الغــدر والبوق  ايامنا جارت بـ جور الـقــرابــه تنهش حكاويهم حشـــا كل معلوق  يا كنه الداب ان نفث سم نابه  الصبر وين الصبر والجوف مفتوق  لا زاد في صدري  زفيـر الكأبٓـه واللي بقى من باقي الوقت ممشوق   وصـارت بعيني كل ابـوها تشابٓه  لكن عـسا الله ايزين الحال ياشـروق  ويـــبرا جٓـرحن تجــدد صوابه  شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐 ٨٣ كتابي

 #ودي #اظمگ  طيفك لمحتـه في عيــــوني وهليت هليت به واشعـــل بـ قلبي لهـــــايب وعجلت لك بخطاي صوبك ومـديت اســابق الخطوات والبـــــــال طايب ودّي أضمه طيفك اليا تـــــــــلاقيت لو اللقــــا مكشوف بين القـــــــرايب لو قالوا اني تحت حكم العفـــــاريت وقاموا عليّه ايبسملون الكتـــــــايب   مـــا همني لو قالوا اني تخــــــاويت  مع الجنون وماكثـــــــات التـــــرايب ما همني الا شوفتك لو تغلـــــــــــيت ياللي بـ شوفك تستجن النشـــــــايب لك بالحشا قصر ولك ابـ خافقي بيت ولك في عيوني ما يــرد الطــــلايب برقص طرب لا لولشن الزغـــــــاريت ويطرب معي طيفن به القلب ذايــب  ‏شہمہؤخہ آلغہيہد، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐

 #الـــــرجا #والتمني ، قلبي غــدابه من عراويــــه مشلوع سبة طيوف(ن) بالهوى اهلكنـي ماكنت أحسب القلب لشوق متبوع لين امتلكني الهوى وامتحني ممنوع يا جرح العشاشيق ممنــوع تسكن بـ قلب(ن) سبة الشوق ونّي كانك من اوصال المــروات مقطوع ازهم على وصله من القاع جنّي خابرك لا جاع الحشا تســـتر الجوع واليوم أشوفك تمنع الزاد عنٍّي حسبي عليك شــلون لوعتــــني لوع   وامسيت ما بين الرجا والتمنّي ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐 ٦٨

 #غـــــديت #قرطـــــــاس  جيتك وانا كلي لشوفتك محتــــــاج والقلب في شوفتك زاد ابتـهاجـــه  يا مرهمٍ ينزل على الجرح مــــــدراج لا يا طبيب الجرح مدري علاجــــه شوقي تدحْرّج،من شهيقات الابــراج  اڨلط تمـــــــركز في مقلط ابراجـه   من حر مابي صحت والشــوق دواج والروح كنها في مضيق الزجــــاجه   لا تاه طيفك اشتعل دونه اســـــراج  وغديت قرطاسٍ وطيفك عجــاجه شہمہؤخہ آلغہيہدﮩ₰ﮩ ͜℘،،✍🏻 M,𝓢𝓗𝓜𝓞𝓐 كتابي

 #حشمت #نفسي، ماعد بقى بي يالغـلا عقــــل صاحي والقلب  دقاته  لذكرك  سريعة  ملتاع مغـــــرم  نازفات  جــــراحي كني كسير الحرب يوم الوقيعه حشمت نفسي والشـــريعه ســلاحي ولا اقرب الزلات لو هي طميعه ياليت انا طيــــر  وافـــل الجنــــاحي واجتاح انا ذيك الديار الوســيعه مدري مســـاء الخيــــر والا صبـاحي يا بسمة  ايامـــي وزينة  ربيــــعه قلبي تـرا في غيبتـــك مـاســـــتراحي تكفي تمد الوصل عقب القطيعه  يااااارب تهـــٰدينا دروب ،الفـــــٰلاحي  واعوذ بك من شر نفس  شنيعه ‏شہمہؤخہ آلغہيہد ،ℳ،،S،ﮩ₰ﮩ ͜℘،،✍🏻، 𝓢𝓗𝓜𝓞𝓐. 66

 #مراســـيم #الحــــــداد (ياوليـــف الـــروح لاتبتـــعد عني بعيد يكفي الي ذقت لليوم باسباب البعاد) شف خفوقي من بعادك شكا منه الوريد قلل الدقات والشوق فيه الــيوم زاد تاكله نــٰار الوله لــــو تحاوطها جلــــيد ما يطفي ناره الا مــراسيم الـــحداد كان ودك بالجفــــا ياوليفـــي لا تــــزيد العذاب وحرقته والعمر عمر السواد اعلن الفرقا عساني مع الفـرقا أجــــــيد التناسي عقبها وانت نسيانك جهـــاد يشهد الله لصبر ما بقى عنـٌدي رصــــيد الصبر ما عاد يصبر على ضيم وعناد يا وليف الروح يا غاية القلـــب العنيــــٰد اترك ابعادك وخل الوصل يبدا المزاد ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐. 49 ‏

 #استوحــــش #الظلمـــٰه آخر محطات الشقا واليـــاس جرح ودمعتين آخر تعـــــــــــابير القصيد العذب محدن قالها كل ما نويت آعيش في دور البطوله من سنين قــــــامت توري بالوجه صكات بقعا حالـــهـــا انا حكاية حزن والحزن ارتسم في كلّ عيـــن انا همومن بالصدر عجزت أشيل اثقالهــــــــــا وانا هواجيس الفكر لا خالط الفكر الحنيــــن وانا تراتيل المسا في صوتــها وبحبالهـــــــــــا استوحش الظلمه وانا في ظلمة الليل استكين واستنكر الدمعه وانا الدمعــه رخيت اسبالهــــا ‏شہمہؤخہ آلغہيہد ،ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐78. كتابي

 #شمرمع #مايل. شمر معٰ وايل مطانيخ واخــوان عين اعنزيه وعين للشـــمريه اقولها وانا مــن اكبــــار شجعان وارسل ابيوت الشعر للوايليه يابنت وايل فعلكم شاب رضعان وحنا بعد نرهب دول عالميه يابنت وايل لك على المجدعنوان اتعبتي الشعار يالابــدووويه قصايدك ورد وخزاما اوريـــحان ويفوح  منها الهيل والشاذليه تليتي افواه القصايد على شــان يتعب على غيرك ركوب المطيه وتليتي القلب المشقاء من ازمان عندي فرقتي عن جميع البريه البراق الشمالي , صكت على روس الهواجيس الاوزان من باب مـــردود الـوفا لا تهييه جتني بيوتن منـــها خاطــــري زان وزانت تفاكيــرن بفكــــري نقيه وخطيت لك حرفن تجلى به الجان من كيف راسن فيه الافكار حيه يالشاعر اللي تبــــدع القاف دوزان وتستنقي امن المفردات العذيه يا مرحبا يا شامخ الراس يــحصان يا لاوي اذراع الصعاب العصيه قام ورقص من فوق لاوراق شيطان يطرب على لحن البيوت السويه وخصيت لك من بدع الابيات قوشان باسمك تسجل فيه بصمة يديّه والشمــــريه وايليـــــــه بـ بــرهان والوايليه شمــريه كذيّـــــــــــه وصلات ربي عد همــال الامـــــزان على النبي وعد الأمــور الخفيـــه ‏شہمہؤخہ آلغ...

 #مراسيل #الغــــرام. من عيــــــوني خذ مراسيـــل الغـــــرام  وفي قصيدي الحـــرف ماعمر التوئ النواظـــــركلــــها ،،،تطلـــق سهـــــــام وفي شواهق صــدري كم ذيبٍ عوئ ياعديــل الــــروح صايبـــــني هيـــــــام  وظاميٌـــاًً قلـــبي وريقـي مارتـــوى    مـن عيـــونك قــــــد تعلمت الســـــلام  وخافقــــي حام بغرامك واستــوى أقصــــرالايام  فـــي وجـــــه الزحـــــام واعانق  الـــزهرات في فجــر الروئ ايــام عمــري غدت عقبــــك ظـــــــلام  أسدل ستاره وبه الجـــٰاش انكــوئ اداعــب طيــــوفك ياحلــــو الكـــــــلام  وصـــافي  ودك امســـئ  لي،دوى . ضعـــــت انا مابيــــــن  ودك،والـــوئام  ليت كــــل الوقت يجمعنا،سوى  شہمہؤخہ آلغہيہد ، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐..131 .

 #انبـــلج #نــــوره (سريت ليــــل الهــــوى ليـن انبلج نــٰــوره امشي على القـدم وتســامرني القمــــرا) ،،،،،،،،،،،،،،،،،،،،، طاب السمـر والقمـــــــر يطربني ظهــــوره  والبن الاشقــــر عماس الراس به يبــــرا عقبــه هواجيس شعــري تعلــن الثــــــوره خيــال فكرى معانيه امتلت ســــحرا اترجم احساس شعٰـــرى وارسمه صٰـــــوره من فـوق بيض الدفاتر ينزف الحبـــــرا اســـوق جـــــزله ولـــو ماكنت مشهــــوره متواضعه ما حملت غـرور او كبــــــرا    لـــو،ان بعض الاوادم حٌــــــيل مقهــــــوره   تموت في غيضها ياجعــل مـاتبــــــرا ‏شہمہؤخہ آلغہيہد ، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐،،،،118  شموخ محمد العنزي 

 #اغـــوص #البحــــور . انا حكــــاية دهـــــر آسطــر الاشـــــعار وابدع تفاصيــل المشاعر وأصـــورها  بــصوتي اجــر اللحـــن وآرقص الاوتــــار  وارسم ملامــح فكرتي قبل أسطـرها  ألملم هواجيــس الفكــــر ابني الافكـــــار  واغيير مســارات الخيال وأطــــورها  أغوص البحـــور اللي بهـــا دره ومحـــــار  واضاهي بشعري سلطناته وأسيطرها  يـــراود خيــالي لا كتبتـــــه بعض تـــذكار  يعيد الشريط ابذاكرة عرض أبعثرها  اجمع طيوف الشعور لي عبربي كثير اقطار  واصور لقاه ابلوحتن صعب أعبرها  أجـــن ويجـــن الجن مـــن جني ويحتـار  ويعلن نهاياته وباسمي أصفـــرها  أهيم ابسما جو القصيــــد انفض التعبـار  واتوه ابغياهيب الطروق وأسيرها  أســٰج ابفضـاه وامتلي بالقصيــــد اسـفار  واداحم بها جمع الصفوف وأطشرها  عشقت القصيد احساس يرجونه الشــعار  ويعشق بي الهيبــــه وأمارس تكبرها  ‏شہمہؤخہ آلغہيہد ، ℳ،،،ﮩ₰ﮩ ͜℘،،✍🏻، 𝓢𝓗𝓜𝓞𝓐. 76. شموخ محمد العنزي